ZER DA GAITASUN DIGITALA?

Gaitasun edo konpetentzia digitala gaur egunean asko entzuten den kontzeptu bat da, baina benetan badakigu zertan datzan? Sarrera honetan galdera horri erantzuna emango diot hainbat baliabideen erabilpenaren bitartez: mapa kontzetuala, infografia, etab.

Informazioa tratatzeko eta teknologia digitala erabiltzeko gaitasuna edo gaitasun digitala pertsonek jarduera bat burutzeko bakarkako eta gizarte-betekizunetarako dituzten ahalmenen multzoa da, teknologiaren erabilpenari lotuen dauden ahalmen multzoa hain zuzen.

Gaitasun digitalak hainbat osagai ditu:

• Informazioa lortzen jakitea (gaitasun informazionala): informazio-bilaketarako eta teknologien erabilerarako trebetasun instrumentalak lortzea. Hau da, informazioarekin lan egiteko, arazoak formulatzeko, informazioa bilatzeko, sartzeko, kudeatzeko, ebaluatzeko eta kritikatzeko eta informazio berria sortzeko eta hedatzeko behar diren ezaguera eta trebetasun multzoa.
• Informazioa ezagueretan bihurtzen jakitea: arazoak planteatzeko eta aztertzeko eta interpretatzeko gai izatea.
• Informazioa adierazten eta hedatzen jakitea: era askotako dokumentuak egiteko trebetasuna eta ezaguerak edukitzea.
• Erraminta teknologikoen erabilera (gaitasun teknologikoa): ordenagailuak, liburu digitalak, mugikorrak, etab. erabiltzen jakitea. 
• Alfabetatze anitza: ikus-entzunezko gizartean bizi gara, baina eskolak ez du ikusle kritikorik hezten; komikiaren, bideoaren eta soinuaren hizkuntza curriculumaren parte izan beharko lirakete.
• Informazioa demokratikoki eta etikoki erabiltzea: komunikazioaren eta informazioaren gaineko jarrera, balio eta praktika jarrerak garatzea.
• Herritartasun digitala: errealitatea eta online mundua nahasten diren mundu baterako prestatzea.

Gaitasun Digitala irakasteko jarduera garapenean oinarritutako metodologiaren bitartez landu behar da. Irakasle batek jarduera horiek prestatzeko eta garatzeko orduan izan behar dituen irizpideak hauek dira:

• Ikasketa esperientziak sortzea: ekintzaren bitartez ikastea.
• Ezagueraren metodologia konstruktibista garatzea, non ikaslea esanahiak eraikitzen dituena den.
• Ikasleen arteko talde lana sustatzea.
• Iturri eta informazio erreminta anitzak erabiltzea.

Jarduera hauen hainbat adibide ondorengoak dira: WIKIen erabilpena, ikasleen blogak erabiltzea, foruak edo beste ikasle batzuekin komunikatzeko espazioak sortzea eta bideoen sorketa, aurkezpen digitalak, etab.

Haurreko guztia hobeto ulertzeko nik egindako hurrengo infografian oso argi ikusi daiteke zer den Konpetentzia digitala eta haren osagaiak.

Kontsultatutako iturriak : https://www.youtube.com/watch?v=eAL5ZkhnBkE&feature=youtu.be eta https://www.youtube.com/watch?v=V_HOIsP-Ix8&feature=youtu.be