GENEROAREN INGURUKO MIKRO-NARRATIBA

Bigarren tailer honi (generoa eta IKTak) haiera emateko, mikro-narratiba bat egingo dut gaiaren inguruan hausnartzen. Hau egiteko, hurrengo galderetan eta Aberasturi eta Correaren (2015) irakurgaian oinarritu naiz, besteak beste.

• Zer esan nahi du emakumea eta maistra izatea?
• Zer esan nahi du gizona eta maisua izatea?

Pentsa dezagun pixka bat: maistrak, andereñoak, amak, jangelako emakumeak, autobuseko zaintzaileak… emakumeak dira nagusi. Ostera, zuzendariak, lehendakariak, ikuskariak, sindikatuetako ordezkariak… gizonezkoak dira karu gehienetan. Beraz, irakaskuntzan dabiltzan emakumezkoak gizonezkoak baino gehiago izan arren, goi karguetan eta ardurako postuetan gizonezkoak ugariago dira.

Haur Hezkuntzan maistren presentzia nabarmenaz kontzienteak gara guztiak, etapa honetako irakasleen % 90en emakumeak gehiago izanez. Baina zergatik dira irakasleen gehiengoa emakumeak etapa horretan?

Historian zehar, emakumeari zaintzarekin erlazionatuta dauden lanak erlazioatu zaie, ondorioz, Haur Hezkuntzan oraindik pentsamendu tradizional horrekin jarraitzen da leku askotan, maistrak gehiengoa izaten heziketa etapa horretan.


Haur Hezkuntzan, esaterako, gizonezko bat lanean ikusten dugunean emakumeari egokitzen ez diogun balio erantsia esleitzen diogu hari, gizona izate hutsagatik. Emakumearen kasuan berriz, naturalki irteten zaion zerbait dela dirudi, hezkuntzaren eta zaintzaren ardurak egokituko balitzaizkio bezala inongo ahaleginik egin beharrik gabe.

Emakume eta gizon irakasleen ezberdintasun horiek arrastoa uzten dute haurrarengan. Izan ere, irakaskuntzako behe etapetan irakaslea hezitzaile lanarekin lotzen da, eta hortaz, badirudi hori dela emakumearen egitekoa. Aldiz, unibertsitatean gizonezkoa nagusi den neurrian, jakituriaren transmisioa berari dagokiola barnera lezake haurrak. Horretaz gain, eta salbuespenak salbuespen, zuzendaria, lehendakaria edo ikuskaria gizonezkoa da nagusiki, eta, jangelako edo autobuseko zaintzailea emakumea.

Zein da eskolaren, eta horrenbestez, irakasleen egitekoa egoera iraultzeko orduan? Neska edo mutila izate hutsagatik ez direla mugak sortzen erakutsi behar diete eskolan haurrei, nahi dutena izateko aske direla.

BIBLIOGRAFIA
Aberasturi, E., & Correa, J. M. (2015). ¿Cómo aprendes a ser maestra? repensar el género en la educación infantil. Universidad Del País Vasco (UPV-EHU), 1(1), 63-81. Webgune honetatik berreskuratua https://drive.google.com/file/d/0B_Uot3EMBr1Xd3FqM0Fqb0k1am8/view